ZER IKUSI (Interesgune naturalak)

Entziako mendilerroa Arabako ipar-ekialdearen bazterrean dago kokatuta, Nafarroako mugan bertan eta Aguraineko herritik oso gertu.

Iturrieta-Entzia izena ere hartzen du mendi-sistema honek. 4.991 hektareako azalera hartzen du barne. Zadorra ibaia bertan jaiotzen da.

Mugakideak: Mugakide hauek ditu inguru natural honek: Iparraldean Asparrena eta hegoaldean Harana eta Arraia-Maeztu udalerri arabarrak, ekialdean Urbasako mendilerroa eta mendebaldean Dulantzi Arabako udalerria.

Mendiak: Iparraldeko muturrean hasita, ekialdetik mendebaldera Legunbe (1.129 m), Bigate (1.125 m), Belleku (1.055 m), Surbe (1.155 m), Mirutegi (1.166 m) eta Ballo (1.197 m) tontorrak ditugu, eta hegoalderago Peña Roja (1.067 m) eta Lazkueta (1.124 m) daude, Andoin, Durruma eta Bikuña herriak abiapuntuak direlarik.

Pedroko - Uransolo Agurainen hegoaldean dago, Egileor, Alangua eta Arrizalatik gutxi gorabehera, Sorginetxe trikuharritik gertu. Noizbait lurra hustu eta laborantzan jarri zen, nahiz eta beti hemen lur idor deitzen dena izan. Handik aurrera, ibaiak gainezka egin zirenean, ez zuten haien isurbide naturala aurkitu, eta uholdeak eragin zituen Agurainen.

2007. urte amaieran, 70.000 metro koadroko lursaila erosi zuen Udalak Pedroko- Uransolon, Eusko Jaurlaritzako Ingurumen Sailaren diru-laguntzari esker. Ingurua birgaitzea eta hezegune gisa berreskuratzea zen.