ZER IKUSI (Interesgune artistikoak)

San Anton eliza XV. mendean eraiki zuten. Ez da Bilboko elizarik  zaharrena, baina hiriko ezagunenetako bat da. Itsasadarraren bazterrean dago, Erriberako Merkatutik eta Udaletxe zaharretik hurbil. Templu honen historia estuki lotuta dago hiriarenarekin; are gehiago, hiriaren armarrian agertzen da izen bera duen zubiarekin batera.

Plaza Berria esaten zitzaion San Antonenen zegoen Plaza Zaharretik bereizteko.Manuel de Loredo sindikoak 1786an Bilbao zabaltzea eta Santa Mariaren eta San Nikolas ermitaren artean zeuden eremuak urbanizatzea proposatu zuen, eta “Laredo Planean” plaza bat eraikitzeko proposamena azaldu zuen.